رائع طريقة تحضير حقيبة الولادة بالصور والفيديو

حاولي إعداد حقيبتك قبل وقت الولادة بوقت كاف في نهاية الشهر السابع مثلا .

أحضري 3حقائب :

1-حقيبة كبيرة لملابس واشياء البيبي

2-حقيبه كبيرة بها ملابسك انت

3-حقيبة يد كبيرة بها الكاميرا وتليفوناتك والشواحن واشيائك الخاصة

4- حقيبه للاكل لو ما بتحبى اكل المستشفيات
فيديو تحضير حقيبة الولاده

لعمل حقيبه مثلها فيديو

اولا حقيبة البيبي:-

1- حفاضات عاديه

طريقة تلبيس الحفاضة للمولود 

اثنى طرف الحفاضة لاسفل بعيدا عن الحبل السرى  

والحفاضات القماش لا تفضل وانتى فى المستشفى علشان اللى هتتوسخ هتبقى محتاجه تشليها

لكن الحفاضات العاديه أفضل لانك هترميها ومش هتشيلى هم حملها .

ولان الطفل بيعمل حمام سائل وممكن يتسرب بسهوله من الحفاضه القطن.

2-مناديل مبللة لتغيير الحفاضة.

3-علبة مناديل بالسحب مثل

 لتجفيف جلد الطفل بعد المناديل المبللة وهتحتاجيها جدا ليكى .

4-اللوشن لانه بينضف وبيخلى الريحة حلوة ان اليبى قشط او رجع بتمسحى بقطنة وخلاص المكان.

-مقص الاظافر اول ما الطفل بيتولد بتكون اظافره طويله وبيجرح وجهه بها لذلك اسرعى فى قص اظافره 

مقص الأظافر الخاص بالوليد و هو شبيه بمقص الورق الصغيرتجدينه متوفر في الصيدليات بأشكال كثيرة.

كيفية تقليم الأظافر لطفلك:

  قصى اظافر الطفل حديثي الولادة وهو نائم .

اختيار ملابس حسب الطقس 

5-الملابس الداخلية والخارجيه للمولود:-

اعملى حساب 3 غيارات للبيبي داخلية وخارجية ان بتى فى المستشفى

عند شراء الملابس تأكدى ان رقبتها بتمط وترجع تانى لان لو رقبتها ضيقه هتعذبى طفلك وانتى بتلبسيها وهتكرهى انك تغيرى ليه تانى.

ولو رقبتها واسعه هتسقع صدر الطفل وربنا لا يقدر يتعب

او ممكن تجيبي الملابس التى بها أزرار على الكتف

الملابس الخارجية للبيبي

6-الشربات
7-القبعة
والقبعة لحماية رأسه من البرد في الشتاء و من الشمس في الصيف
بعض الأطفال لديهم حساسية من الصوف و أحيانا يسبب لدى البعض تساقطا للشعر
فيفضل شراء تلك المصنوعة من القماش الثقيل أو الخفيف حسب الطقس صيف ام شتاء مثل التى بالصورة .

طريقة عمل قبعه لرأس البيبي .نفس الفكرة التى بالفيديو تقريبا بس يفضل الخياطه العديه من أعلى وليس الكشكشه حتى لا تضايق البيبي .

8- عشرة أشياء ضروريه جدا جدا عند ولادة الطفل يوضعوا فى حقيبه بلاستيك شفافه بداخل حقيبة الطفل هنــــــــــــــــــــا

9-بطانية بقماط مثل هذه بالضبط اكثر من رائعه

ومثل البطانيه التى بالفيديو:

10-بطانية قطن
و يفضل القطنية لملامستها أحيانا لبشرة طفلك ، أكثري منها قدر المستطاع لأنها ستتسخ باستمرار ، ضعي في الحقيبة أربعة منها .مثل التى بالصورة

طريقة لف الطفل جيدا بها

لو فى فصل الشتاء الولادة يبقى البطانية الاثقل

11-ترمس به ماء ساخن وببرونة زجاج ومعلقه وكوب وعسل نحل واعشاب فتلة:

ضرورى جدا لانك بعد الولاده ممكن تكونى مش قادرة ترضعى 

هسياعدك انك تعملى درينك وتحلى حاجه بسيطة جدا بعسل النحل للبيبي يشربه ويشبعه الى ان تفيقى له

وممكن تكونى انتى نفسك تشربى حاجه دافية بعد الولادة

ثانيا حقيبتك:

1-الشربات
2-وسادة الرضاعه
3- مناشف الحمام والروب
4-الملابس الداخلية هاتى 3 شورط قطن افضل ان كنتى ستستخدمى البامبرز الكبير بعد الولادة ومش هتستخدمى الاولويز
و2 برا  واسع
و2قميص واسع

5- ملابس خارجيه
7,6-TOILETRIES الخاص بيكى:

-بلسم الشفاه
-فرشاة الأسنان
-معجون أسنان
-غسول الفم
- صابون
- الشامبو والبلسم والشاور
- ليفة لفرك الجسم
-غسول مهبلى
-فرشاة الشعر
-قطن
-كحول
-كريم الترطيب
يفضل وضع الاشياء الخاصه بالفم فى حقيبه بلاستيك شفافه
واشيائك الخاصه بالجسم فى حقيبة بلاستيك اخرى شفافه ايضا
ووضعهما فى حقيبة الولادة

8-الفوط الصحية او بامبرز كبير خاص لبعد الولادة رائع جدا وهتعرفى وقتها ليه!
أسألى عليه فى الصيدليه هاتى 3 او 4 فقط لاول يومين وبعدين استخدمى الاولويز.
9-شبشب بلاستيك للاستحمام
10-الجوارب(الشربات)وخاصة لو فى الشتاء.

ويارب ولادة سعيدة

الموضوع حصرى لمدونة ماما جابت بيبي ولا احلل نقل اى شئ منه الا بذكر اسم المصدر
الصورمن عندى و من مواقع اجنبية كثيرة
كلمات البحث:

تحضيرات الولادة,شنطة الولادة,تجهيز شنطة الولادة,تحضير شنطة الولادة,تحضيرات الولادة بالصور,تحضير شنطة الولادة بالصور