علاج الخنفرة عند الرضع| و التخلص من الخنفره عند الاطفال بالتفصيل فيديو وصور

- الخنفرة حاجة طبيعية أول ستة أشهر، الطبيعي انها تقل عند الشهر الثالث، و تختفي عند الشهر السادس.

-لازم نعالجها و نهتم بموضوع الخنفرة لأنها مزعجة للطفل و بتقلل قدرته على الرضاعة و بالتالي الوزن سوف يقل.

هذه تجارب امهات مع الخنفرة عند المواليد:

اول تجربة:

انا عندي بنتي بقالها اسبوعيين ومن ساعه ما اتولدت وهي عندها خنفره في مناخيرها

ولما بترضع بتفضل تكح ومش عارفه تاخد نفسها

ولما روحت للدكتور قالي ده عادي

قولولي حد كان ابنه كده وبقي كويس ولا اروح لدكتور تاني

ثانى تجربة:

نور بنتي أول ما أتولدت كانت بتخنفر و كانت يا حبيبتي مش بتقدر ترضع من الانسداد اللي كان في الأنف مكدبتش خبر و أخدتها على الدكتور

البرد و الخنفرة للأطفال و العنايه بالأنف تعالي اقولك تجربتي

لقيت الراجل بيقولي بمنتهى البرود بنتك يا مدام معندهاش حاجة 

قلتله اذاي دي بتخنفر و مش بترضع و مش قادرة تاخد نفسها

رد عليا الدكتور و قالي كل اللي أقدر اعملهولك تديلها محلول ملح أو بيبي سالين غير كدة مفيش

قلتله طيب يا دكتور الصوت اللي بسمعه ده ايه و ليه بتعيط كل ما تيجي ترضع ؟؟

رد و قال ان الخنفرة دي بسبب تراكم افرازات من عملية الولاده و بقايا السائل اللي كان حوالين البيبي 

أسباب الخنفرة

1- تراكم الأفرازات في الأنف.

2- تضخم اللحمية.

3- وجود جسم غريب في الأنف.

4- حساسية الأنف.

5- أنحراف وترة الأنف.

6- تضخم اللوزتين.

7- أحتقان الأنف في فصل الشتاء.

علاج الخنفرة

ما هو علاج الخنفره عند الاطفال؟ 

حتى يرضع الطفل جيداً ويعرف يتنفس بشكل طبيعي.إليكي طرق التخلص من الخنفره عند الاطفال فيما يلي:

1. ضعي بعض القطرات من المحلول الملحي في أنف الطفل الرضيع، هذه القطرات متوفرة في الصيدلية .

-اواعمل المحلول الملحى فى البيت؛ من مزيج كوب ماء يغلي  لمدة 10 دقائق ثم ندعه يبرد إلى درجة حرارة الغرفة، ويمزج مع 1/4 ملعقة صغيرة من الملح ..ثم استعمل قطارة نظيفه لوضعه فى انف الطفل.

 وبعدها بدقيقه استعمل  اداة شفط المخاط لان المخاط الجاف فى أنف الطفل سوف يطرى نتيجة للمحلول الملحي، فهيسهل شده بأداة شفط المخاط.

الاداة اللى بتكون طريه ومطاط مثل اللى فى الصورة بتكون سهله فى الاستخدام، وتساعد في علاج الخنفرة الشديده عند الرضع ..

طريقة استعمال اداة شفط المخاط

 او استعملي حقنة لشفط المخاط من أنف طفلك الرضيع ان لم تتوفر اداة شفط المخاط.

وممكن تملئ حوض الاستحمام بالماء الساخن ثم احملي الطفل فوقه حتى يستنشق البخار وينزل المخاط. لا تضعي الطفل في الماء الساخن، فقط استفيدي من البخار.

فيديو بيوضح ما الذى ستحتاجينه للعنايه بأنف الطفل رائع وازاى تعملى فى البيت محلول ملحى لعلاج انف طفلك من الماء والملح.

ه

-حاولي إبقاء الطفل بوضعية عامودية قدر الإمكان طول اليوم، يمكنك رفعه بالوسائد عند نومه بحيث لا يختنق من المخاط.

2. قومي بإرضاع الطفل من حليب ثديك قدر الإمكان، فحليب الأم غني بالمضادات الحيوية.

3. قومي بازاله المخاط او الافرازات الظاهرة من الأنف برفق.

- الخنفرة للأطفال حديثي الولادة بدون أعراض اخري بتكون طبيعية.

- لو فيه أعراض اخري مصاحبة للخنفرة مثل الخنفرة والكحة عند الرضع، او السعال او قيء مصاحب ببلغم او تزييق جامد في الصدر او حرارة، فهذه حالة مرضيه و يجب الذهاب إلى الطبيب.

علاج انسداد الانف عند الرضع بزيت الزيتون

لا تضعي زيت الزيتون في أنف طفلك الرضيع فهو غير ملاءم فقد يؤثر بالسلب على جهاز الطفل الهضمي، بالاضافة إلى خطورة دخوله في الجهاز التنفسي للطفل محدثاً اختناق وقد يصل للوفاة الفورية في حالات نادرة، لذا فمن الأسلم استخدام الطريقة السابقة في علاج علاج الخنفرة عند الرضع و التخلص من الخنفره عند الاطفال وترك هذه الطريقة الضارة.