ملابس البيبي اللى هتحتاجى تشتريها | وكل ما يخص البيبي بالتفصيل والصور والفيديو راااائع

ملابس البيبي اللى هتحتاجى تشتريها بالتفصيل والصور والفيديو ممتاااااااااز
-في الهدوم متجبيش مقاس 0 نيو بورن New born هاتى اللي هو من 0-3 ومتكتريش منهم برضه لانه هيكبر بسرعة ان شاء الله.

-البناطيل البيضة الداخلية هاتى 12 لان البيبي غالبا هيغير فيهم كتير لان الستول بتاعه بيبقي سايل ومهما كان الحفاض كويس ممكن يسرب  .
تجهيزات, البيبي, حديث, الولادة ,بالصور,اغراض, البيبي, حديث, الولادة ,بالصور


-لبس الخروج طقمين كفاية اوى 0-3 لانك غالبا مش هتخرجى به اصلا اول 3 شهور الا للتطعيم فقط غير انك هتلفيه بكوفرته في السن ده.
صيفى
او لو هتولدى فى الشتا


-هاتى 6 فانلات كت
النوع  اللى بكابسين هذا افضل
لان البيبى بيتشال و يتحط كتير فالكباسين بتضمن ان اللبس يفضل مغطيه طول الوقت
و مش يتبهدل
و لو مثلا البيبى ما شاء الله طول و الكباسين مبقتش تقفل عليه
هايلبسه عادى مفتوح كأنه فانلات عادية مفيش مشكلة
او النوع ده


-وهاتى 6 فانلات نص كم

-و هاتى 6 فانلات كم

 -وهاتى 6 سلوبتات
اوشتوى حسب الولادة
وافضل السلوبت اللى بطاقيه 


-و هاتى 6 بيجامات حسب فصل الولادة شتاء ام صيف.

-وهاتى شرابات 6 كفاية بدفيهم في البيت وتحافظ علي رجلهم .

-هاتى 3طاقيه قطن

-هاتى بافتات عشان لو رجع متغيريش اللبس كله يدوبك تغيري البافته بس
يفضل تكون قطن بس مغلفة من الداخل بمشمع عشان تمنع البلل انه يوصل للبيبى
 هاتى 12 هينفعوكى حتى اما يكبر وياكل ان شاء الله في نوع بيبقي بكبسولة كده احسن واسهل من النوع اللي بيتربط.
-جوانتى يحميه من خربشة وجهه بيده ومصها
- هاتى 2 كوفرتة لازم يكون مدفي اول 3 شهور لانه متعود عالدفا في رحمك.
-هاتى 2بطانيه ان كنتى هتولدى فى الشتاء علشان ان واحده مش نظيفه تستعملى التانيه هتحتجيهم جدا
-هاتى مشمع الغيار ده ضرورى علشان انتى وبتغيري للبيبي بيكون الستول بتاعه  سائل وممكن يبهدل السرير.
ان الميزانيه لسه فيها نفس 
-هاتى شيالة للبيبى مريحة جدااااا تنفع فى البيت والخروج
تعملى بيها الاكل وانتى شيلاه
 وممكن معاها الاستغناء عن الكوفرته لانها تعتير غطا لوحدها لو البيبى نام وفيها حزام امان من الداخل
 وتنفع تشيلى البيبى زى وضع شنطة اليد
وتتحمل الطفل حتى وزن 9 كيلو يعنى تقريبا لحد سنة ونص
 شكلها من الداخل
-كرسي هزاز هيساعدك كتيييييييييييييييييييير هتنام عليه 
وتتفرج على التليفزيون

-البيبي تعرفي امتى ان عدد طبقات اللبس كويس لو مسكتى ايده لقتيها دفيانة وقورته متبقاش عرقانة لو عرقان خففيله ولو ايده سقعه اكثري من الملابس له حتى يدفئ.
مستلزمات البيبي:
تجهيزات, البيبي, حديث, الولادة ,بالصور,اغراض, البيبي, حديث, الولادة ,بالصور

اولا استحمام  الطفل:
هاتى زيت جونسون تدهنى بيه جسم البيبي بعد الاستحمام
وشامبو جونسون وشاور
وبرفيوم جونسون للاطفال علشان الحلوين اللى بيجو يزروك ويقعدوا يشموا فى البيبي .

-الاستحمام اول 3 شهور مرة كل اسبوعين كفاية اوى في الشتاء
 ومرة او 2 في الاسبوع في الصيف
طبعا يبقي في الغرفه مش الحمام
هاتى اناءكبير به ماء دافئ
قيسي درجة حرارة الماء بكوعك ومش بكف ايدك لانها لا تعطى الدرجه الصح
 وبانيو البيبي او طبق بلاستيك يشيل البيبي
و كوب
 و الملابس
و الشاور
والشامبو
 وفوطة 
كل حاجة تبقي جنبك
 وقافلة الباب كويس لااازم حد يحميه معاكى في السن ده باباه او مامتك او حماتك
المهم هتقلعيه من تحت الاول وتنضفيه لو عامل حمام
وبعدين من فوق وانتى تبقي مسكاه كويس اووووى واللي معاكى ينزل بماية علي جسمه و تدعكى جسمه بايدك بالشاور
وتشطفي بسرعه قبل ميستهوى
 وبعدين تشيليه بحيث بطنه وراسه لفوق والبانيو يكون تحت دماغة واللي ادامك ينزل بمايه علي راسه اوعى يجى علي عنيه ولا ودانه وبعدين الشامبو وبعدين تشطفي راسه بسرررعة
كلفتيه في الفوطة وخديه في حضنك لان زمانه مفطور من العياط وخايف واجري تحت البطانية ولبسيه  بسرعة
الاستحمام ليلا افضل  علشان تقومى مرضعاه ومنيماه هيبقي ريلاكس  .
- متنسيش مقص البيبهات عشان تقصي ضوافره
رولا قطامى خبيرة الاطفال تحمى ابنتها فى هذا الفيديو
ع
-هاتى زنك اوليف تدهنيله بعد كل غيار علشان ميسلخش
-وهاتى حفاضات موليفكس او بيبي جوى (ده احسن نوعين عن تجربة )مقاس نيو بورن
حفاضات مولفيكس حصلت علي جائزة افضل منتج حفاضات من (دارمست-ألمانيا- شركة أبحاث الطبية ألمانية رائعه بجد
للغازات والمغص:
-هاتى دوا جل دينتينوكس Dentinox ده للغازات لان البيبي في السن ده بيجيله غازات علي طول وبتعمله مغص وبيعيط ومبيعرفش ينام تاخدى بالسرنجة 3 ملى وتحطيهم في الببرونة مع الرضعة بتاعته وتدهالو
دا للانتفاخ الدكتور كتبوا لابنى ثلاث مرات فى اليوم
وهو آمن جدا وبيريح البيبي فعلا ودكتور تانى بردو طلب منى اديه للبيبي بانتظام عشان سرته بارزه لبره شويه وعشان الانتفاخ
-يوجد كذلك منه مرهم  جل  اسمه دينتينوكس للتسنين هى شركة واحدة وعاملة كذا منتج  ..وعند التسنين بتضعى الجل على اللثه  علشان تهدى اللثه .
-وهاتى بيبي درينك من الصيدليه دى مجموعة اعشاب رائعه اعمليها له قبل النوم  بليل حلوة برضه لممغص طريقة عملها على العبوة
- تتينة
هتساعدك جدا وتريحك خاصة لما تنيميه لان المص بالنسبة له امان حتى لو مش جعان المهم تجيبي ماركة وتغليها وتعقميها قبل متدهاله وتاخدى بالك متقعش عالارض وكده.
تجهيزات, البيبي, حديث, الولادة ,بالصور,اغراض, البيبي, حديث, الولادة ,بالصور
-هاتى اثنين ببرونه  أفضل شئ الببرونات الزجاج
- اداة شفط المخاط من انف الطفل
 مهمة لان ساعات المناخير بتكون فيه مخاط من اللبن
وهى بتساعد فى شفطه
لان الشهور الاولى بيكون لسة الجهاز التنفسى ما اتعدلش يعنى بالبلدى كدة بيبقى كله سايح على بعضه حتى ساعات تلاقى بعد الرضعة البن بينزل من مناخيره متتخضيش دة عادى بعد كدة كله حيظبط ان شاء الله
-هاتى كحل  للسرة بترشى على سرته بعد كل رضعه علي متقع
-وفي قطرة  للعين لازم 3 مرات في اليوم علشان العماص ومطهرة للعين .

-
-هاتى بوكس للحفاضات وضعيه بجوارك علشان تاخدى على طول مش لسه هتفتحى وتاخدى من الكيس والبيبي يكون خد برد.
البوكس ده ممكن تعمليه بسهوله وشياكه وتعملى اكثر من
واحد للملابس
واخر للبناطيل
 وواحد اخر للادويه وكل دول يكونوا فى مكان قريب منك
طريقة عمل البوكس من الكرتون بسهوله


طريقة تغيير الحفاضة للبيبي:
-احسن شيء لتغير الحفاض انك تجيبي كوب ماية جنبك وقطن وتبلي القطن بسيط وتمسحى بيه الطفل وده بفضله لانه طبيعى اكثر
-ممكن تستخدمى مناديل مبلله لو ميزنيتك تسمح
اسهل واجمل واحده اللى تكون فى علبة بلاستيك وبغطاء
مش الكيس العادى
-وقطن
و مشمع الغيار
-و الدهان زنك اوليف
متطلعيش على الحوض  البيبي ياخد برد
 هتحطى البيبي علي ضهره على المشمع وتضعى تحته البامبرز الظيف
  وتبلي القطنة بالماية وتمسحيله كويس
ثم تنشفي بقطنة ناشفة
وتدهنيله زنك اوليف
وتشيلي البامبرز الغير نظيف
وتلبسي البامبرز الجديد.
-نظفى البنت من الامام الى الخلف وليس العكس وكذلك الولاد
شوفوا الفيديو

تعرفى على دلالات  لون البراز وصحة الطفل من الدكتورة رولا قطامى
اذاكان اخضر كتير وفيه مخاط لازم تراجعى الدكتور

هتحتاجى سلة لرمى البمبرز المتسخ بها تكون قريبه منك مش فى اخر الغرفه وتكون بغطاء علشان الريحه

الصبرررررررررررررررررررررر على الرضاعة الطبيعية ....الرضاعة الطبيعية كنز بجد مضيعهوش بتوترك وخوفك لو فشلتى في الاول عاااااااادى كلنا مرينا بالتجربة دى هتحاولى تانى وتالت وعاشر والف ومش هتيئسي ولا هتستسهلي الصناعى المعادلة للرضاعة(البعد عن التوتر والقلق+تغذية فوق الممتااااازة وتكون صحية سواء وانتى حامل او بترضعى متقوليش مليش نفس كلي عشان خاطره مش عشانك+سوايل بكثرررررررة خاصة الحلبة و الماية طول منتى قعدة متسبيش ازازة الماية من ايدك+النقطة بقا المهما جداااااا لازم يرضع منك كل ساعتين لااازم اول ميتولد ممكن كل ساعة
كمان كل ماهيشد كل ماللبن هيجى وطبيعي يبقي قليل في الاول متخافيش ده عادى جدااا ودى كفايته اللي محتاجها و وارد ميعرفش يمسك الحلمة عاااادى مش انتى بس اللي حصلك كده +ادهنى الحلمات من الشهر التاسع ب مرطب بانثينول وبعد متولدى بعد كل رضعه ده يحميها من التشققات وبعد م البيبي يسيب الحلمة دخلي صدرك بسرعة هتسيبيه هيبرد ويتشقق وتوجعك لو حلمتك لجوه افضلي شدى فيها لغاي متطلع هى صعبه بس شدى بزيت زيتون متيئسيش و ابنك برضه لما هيرضع مع الوقت هتطلع اكتر لو قفلت اوى في اختراع بسيط وجميل اسمه حلمات للصدر صناعى هاتيها من الصيدلية متستسهليش نحية عن نحية لازم ياخد من ال2 عشان مينشفش اللبن ...حاولى تنامى كل مينام عشان متتعبيش خاصة ان النوم هيكون متقطع .
-بعد كل رضعه لازم تكرعيه عشان يطلع الغازات .
-حاولى تنيميه علي بطنه اامن حاجة عشان لو رجع ميشرقش في الاول ممكن يخاف وميستجبش بالصبر والمحاولة هيرتاح فيها وينام كويس ان شاء الله كمان النومه دى بتريح بطنه.
شوفى كدة توأم مولود   نائمين على بطنهم وهما لسه ما كملوش اسبوعين
رولا قطامي تتحدث عن أغراض المولود الجديد
عايزة تعرفى ازاى تهدئ البيبي المولود حديثا من غير ما تحتاسي فى خمس خطوات هنــــــــــــــــــا
وضرورى تعرفى ايه الاعشاب مثل الينسون والكرويه والشمر اللى هتديها للطفل للتخلص من المغص  هنــــــــــــا
مجمع للافاده
كلمات البحث:
تجهيزات البيبي حديث الولادة بالصور
ملابس وسالوبيتات بيبيهات وحديثي
كل مايخص البيبى حديثى الولاده بالصور
ملابس أطفال حديثي الولادة | أدوات الإستحمام | كرسي هزاز |
طريقة شراء ملابس البيبي
تشكيلة ملابس للبيبي حديث الولادة
لوازم الأطفال حديثي الولادة‬‎
كل مستلزمات الطفل وتجهيزات قبل الولادة 
حجم الملابس المناسب لبيبي حديث الولادة
ملابس البيبي حديث الولادة في الشتاء
ملابس بيبي قطن
ملابس البيبي اللى هتحتاجى تشتريها بالتفصيل والصور والفيديو ممتاااااااااز
ملابس البيبي اللى هتحتاجى تشتريها وكل ما يخص البيبي بالتفصيل والصور والفيديو راااائع

تعليقات